پاکستان کرکٹ ٹیم کے بولنگ کوچ اور سابق لیجنڈری فاسٹ بولر وقار یونس نے قومی ٹیم کے سابق کپتان شاہد آفریدی اور سابق بھارتی اوپنر گوتم گمبھیر کو اہم مشورہ دے دیا۔

وقار یونس نے کہا ہے کہ شاہد آفریدی اور گوتم گمبھیر کے درمیان محاذ آرائی کا سلسلہ خاصا طویل ہوچکا، دونوں سابق کرکٹرز کو سمجھ داری کا مظاہرہ کرتے ہوئے جھگڑا ختم کر دینا چاہیئے۔

ان کا کہنا ہے کہ بہتر ہوگا کہ دونوں کھلاڑی کسی جگہ پر ملاقات کا اہتمام کرکے گلے شکوے دور کرلیں۔

واضح رہے کہ آفریدی اور گمبھیر کے درمیان 2007 میں کانپور میں کھیلے گئے ون ڈے میچ میں تلخ جملوں کا تبادلہ ہوا تھا اور اس کا سلسلہ آج تک جاری ہے۔ دونوں کھلاڑی آئے روز میڈیا اور سوشل میڈیا پر ایک دوسرے کو آڑے ہاتھوں لیتے رہتے ہیں۔